Jonathan u Sara
Dr Jonathan isch ds Signou im Emmital ufgwachse. Scho als chline Bueb het är jedi freii Minute bi Nachbers ufem Burehof verbracht. Für ihn isch ging klar gsi, är wott Landwirt wärde. Är het du glich no zersch Automatiker glert u ds Elektrotechstudium absolviert. Mittlerwile het är dr Burebetrieb vom Unggle Jakob dörfe übernä u schaffet numeno Tiilzit im Maschinebou. Si gross Truum vom Landwirt isch ufem Schüürbüel i Erfüllig gange.
D Sara isch im Kandertal ufemne Burehof ufgwachse. Nachem Abschluss als Fachfrou Huswirtschaft het sie no Landschaftsgärtnerin glert u de dWiterbildig zur Technikerin Garten- u Landschaftsbou gmacht. Iz schaffet sie imne Landschaftsarchitekturbüro.
Ufem Schüürbüel füehlt sie sich wohl, im Garte u um dTier um blüeht sie uf. Jedi freii Minute verbringt sie dusse u packt bi allne astehende Arbite mit ah.