Schüürbüel
Dr Schüürbüel ligt oberhalb vo Därstette uf 1'096 m. ü. M. uf dr Sunnsite vom Simmetal.
Mir, dr Jonathan u dSara, hi ä Milchwirtschaftsbetrieb mit Chüeh, Gusti u Chalber. Derzue ghöre o die vier Hüehner u dr o dr Lio, üses Büsi. Total hi mir zwüsche 30 u 35 Tier.
Im früeche Summer gö dChüeh fürne Monet uf dSulziallmi.
Ab Endi Juni bis i September dörfe sie ds saftige Gras uf dr Alp Schwarzmoos, Hintertärfeten gniesse. Us dr Milch wird im Summer feine Alpchees härgstellt. Dä isch zertifiziert als Berner Alpkäse AOP und als Berner Hobelkäse AOP.
Im Herbscht verwile dChüeh no mal ä Monet uf dr Sulziallmi.
Dr Winter verbringe sie im Talbetrieb.
Ab u zue mues äs Tier üse Betrieb verlah. ds Fliisch verchufe mir oder bruches sälber.
Mir si ä drü-stuefige Milchwirtschaftsbetrieb, produziere Wiesenmilch u si IP Suisse zertifiziert. Üser Tier wärde us Überzügig sojafrei gfuetteret. Mir bewirtschafte 22ha LN. Rund dHälfti dervo wärde extensiv gnutzt u si dür ihri Artevielfalt ökologisch wärtvoll.
Schüürbüel
Das isch üses Dahime, äs Simmetaler Huus usem Jahr 1770.
Garte
I üsem Garte prodziere mir im Summer ä grosse Tiil vom Gmües sälber.
Us dä Chrüter mache mir Tee oder Salz.
dBlume wärde für allergattig Grüens verwendet, meh daderzue hie www.allergattig-gruens.com
Sulziallmi
Uf dr Allmi verwile üser Chüeh mit dä Chälbli im Früehlig u i Herbscht je ä Monet.
Bachweid
Hie gniesse üser Gusti (Rinder) dr Summer. Ä Tiil vor Wiid tüe mir Wildhöie.
